Puêrto-Rikodan awır sannar

Puêrto-Riko xökümäte sentyabr’ ayında xakimlek itkän Maria ğarasatınıñ 1 meñ 400 keşeneñ ğomere özelügä säbäpçe buluın belderde. Ministrlar kabinetı kongressqa “Cimerelüdän soñ kire qaytu häm yanarış”  isemle xisap xäzerläde. Anda äytelgänçä, baştağı mäğ’lümatlar buyınça ğarasatta 64 keşe ülde dip sanala. Ämma bu san soñınnan 1 meñ 427gä citä.

Ğarasatlar buyınça milli üzäk berençesendä köçle cil yıqqan ağaç astında qalıp hälaq bulğan keşelär şikelle turıdan-turı afätneñ êçendä ülüçelär genä isäpkä alınuın belderä. İkençesendä isä älege dawıl näticäsendä utsız qalu, mediśina kiräk-yaraqları citmäw şikelle qıyınlıqlar yözennän ğomere özelüçelärne dä isemlekkä kertälär.