“Xolera başqa töbäklärgä dä taralırğa mömkin”

Kamerun sälamätlek saqlaw ministrı Andre Mama Fouda ileneñ tönyağında küzätelgän xolera kizüendä 10 keşeneñ ğomere özelüen häm xoleranıñ başqa töbäklärgä dä tarala alaçağın kisätkän.

Fouda başqaladağı xastaxanälärgä barğan häm xolera yoqtırğan keşelärneñ xällären belgän.

Kamerun sälamätlek saqlaw ministrlğınıñ soñğı xisabına kürä, may ayınnan birle tuplam 109 şikle oçraq terkälgän.

Bolardan 9 ınıñ ğomere özelgän.

Xolera berençe bulıp kilep çıqqan Golombeda xäzergä qadär anı 33 keşe yoqtırğan.

Xolera riskı yuğarı bulğan başqalada 25 şikle oçraqtan 3 se xolera bularaq bilgelängän häm alar arasınnnan berseneñ ğomere özelgän.