Kaliforniyadağı urman yanğınnarı

AQŞnıñ Kaliforniya ştatındağı San-Bernardino milli urmannarında çıqqan yanğın älegä kontrol’ astına alınmadı. Yanğın sünderü törkemnäre beldergänçä, utta 5 yort kölgä äylängän häm böten bistäne êvakuaśiyälägännär. Bu yanğınnı çığaruda ber keşedän şöbhälänälär. Ul saq astına alındı. Poliśiyä 32 yäş’lek Brendon Makglover isemle keşeneñ kiçä Riversayd töbägendä berdän artıq urında ut törtüen farazlıy.     

Yanğın kiçä irtän başlandı häm 19 kvadrat kilometr mäydannı yoğıntısı astına aldı. Anı sünderüdä yaqınça 500 yanğın sünderüçe qatnaşa. Utnı älegä kontrol’gä almadılar.

Töbäktä yaqınça 12 meñ keşe öçen êvakuaśiyä qararı çığarıldı.