Rusiyä xärbi oçqıçları Kön’yaq Koreya çiklären bozdı

Rusiyä xärbi oçqıçları ber kön êçendä 4 tapqır Kön’yaq Koreya hawa kiñleklärenä kerde. Ğomumştab belderüenä tayanuçı xäbärgä qarağanda, ike oçqıç çirat belän Ulluundo häm Çedju utrawları, şulay uq, Dokdo utrawçıqları yänäşäsendä hawa saqlanu çiklären bozğan. TU-95 tiplı Rusiyä oçqıçları, kisätüdän soñ, ul urınnan kitkän.

İsemen belderergä telämägän ber çığanaqnıñ äytüenä qarağanda, Rusiyä oçqıçları yıl êçendä Kön’yaq Koreya hawa saqlanu kiñleklärenä berniçä tapqır kergän, ämma ber köndä 4 tapqır bozu älegä qadär küzätelmägän.