İranda susızlıq ülemgä kiterde

İrannıñ Farsı töbägendäge Kazerun şähärenä bäyle awıllarda su qıyınlıqları arqasında çıqqan bäreleşlärdä 1 keşe ülde. Kazerun iminlek bülege mödire Möxämmät İbadinejad beldergänçä, Şapur yılğasınnan cıyılma suırtqıç yärdämendä su aluçılar belän poliśiya arasında tartqalaşu bula. İminlek xezmätkärläre yılğadan röxsätsez su taşuçılarnı totqarlarğa mataşa. Awıl keşeläre alarğa taş ata başlıy. Waqıyğada berniçä poliśiyä xezmätkäre yaralana, 1 awıl keşese ülä.  

İran parlamentında uzğan atnada cıyılma suırtqıçlar belän yılğadan su taşuçılar xaqında süz bulğan ide. Ber xalıq ışanıçlısı sunı röxsätsez suırtular näticäsendä Däştästan şähärenä citärle su kilmäwen belderde. Bu xälgä Farsı töbäge gubernatorın cawaplı itep kürsättelär. Töbäkneñ xalıq ışanıçlıları isä 2010nçı yıldan birle cirlektä qorılıq buluın häm Däştästandağı su problemasınıñ şuna bäyle buluın alğa sörde.