Yaponiyada su basu häm cir şuışular

Yaponiyanıñ könbatışı häm urta töbäklären yoğıntısı astına alğan köçle yañğırlar näticäsendäge su basu häm cir şuışularda ülüçelärneñ sanı 134kä citte. Yuğaltular Xirosima, Oxime, Okayama, Yamaguni, Kioto, Gifu, Şiga, Xiogo, Koçi häm Fukuokada buldı.

 Xökümät süzçese Yoşixide Suga beldergänçä, su basu häm cir ubılularda kimendä 50 keşe xäbärsez yuğalğan. Êzläw-qotqaru êşlärendä qatnaşuçılarnıñ sanı 75 meñnän arttı. Bolar poliśiyä, yanğın sünderü, yar buyı sağı xezmätläre häm ictimağıy qotqaru oyışmaları. İldä su basuğa qarşılıq kürsätü öçen maxsus komitet oyıştırıldı häm aña byudjettan 18 million dollar bülende. 19 töbäktä 5,9 million keşene êvakuaśiyäläw qararı çığarıldı.

 Hälakät säbäple xökümät räise Sindzo Abêneñ Awrupa häm Yaqın Könçığışqa säfäre kiçekterelde.