Portlar qaçaqlar öçen yabılaçaq

İtaliyaneñ êçke êşlӓr ministrı Matteo Salvini portlarnıñ qaçaq köymӓlӓr öçen yabılaçağın belderde.

Salvini Twitterda pӓnceşӓmbe könne Awstriyaneñ İnnsbruk şӓhӓrendӓ uzaçaq Awrupa Berlege êçke êşlӓr ministrları oçraşuında mӓs’ӓlӓne kön tӓrtibenӓ kiterӓçӓgen citkerde.

Çiktӓn tış uñçı Tön’yaq berlege partiyaseneñ ğomüm başlığı da bulğan Salvini monnan aldağı italiyan xökümӓtlӓreneñ barlıq köymӓlӓrneñ qaçaqlarnı İtaliyada töşerüen küzdӓ totuçı kileşülӓr imzalawların ӓytte.

İtaliya xalıqara qotqaru êşçӓnleklӓrendӓ qatnaşuçı köymӓlӓrneñ dӓ portlarına yaqınayuın tıyarğa teli.

Awrupa Berlegeneñ çik buyın saqlaw oyışması FRONTEXnıñ Triton missiyasendӓ NATO illӓrenӓ bӓyle xӓrbi köymӓlӓr dӓ qatnaşa.

İtaliya xökümӓte yılnıñ berençe 6 ayında ilgӓ 11 meñe çığışı belӓn Liviyadӓn bulğan 16 meñ 700 qaçaqnıñ kerüen hӓm sannıñ 2017 yıl belӓn çağıştırğanda 80%ka azayuın belderde.