Prinś Uil’yam Fälästin ilbaşı belän oçraştı

Angliya patşalığı täxeteneñ ikençe çirattağı varisı prinś Uil’yamnı basıp alınğan Könbatış Yordannıñ Ramallax şähärendä Fälästin Däwlät başlığı Mäxmüt Abbas qabul itte. Oçraşu ilbaşı ofisında uzdı. Kembridj gerśoğın räsmi tantana belän qarşı aldılar.

Abbas Fälästingä kilüe öçen qunaqqa räxmäten citkerde. Ul bu zıyarätneñ Fälästin häm Angliya arasındağı bäyläneşlärneñ köçäyüenä öleş kertäçägenä ışanuın belderde. Abbas İzrail’ belän Fälästin arasındağı solıx prośessı xaqında da fikeren äytte. Fälästin yağı ike däwlätle çişeleşkä qarşı tügel.  Ämma1967nçe yılğa qadär bulğan çiklär êçendä. Abbas älege şart ütälgändä tınıçlıqta bergä yäşäw öçen İzrail’ belän solıx kileşüe töziyäçäklären söyläde.  

Prinś Uil’yam Fälästingä täwge kilüe öçen dulqınlanuın belderde. İke il arasındağı yaqın mönäsäbätlär öçen şatlanuın äytte. Gerśog, Fälästin mäs’äläsenä kilgändä, töbäktä däwamlı tınıçlıq urnaşuına ömetlänüen assızıqladı.  

Prinś Uil’yam Fälästingä qadär İzrail’ häm Yordaniyada oçraşular uzdırdı.