Marokkoda säwdägärlär êş taşladı

Marokkonıñ Järada şähärendä säwdägärlär êş taşladı. Alar uzğan aylarda bulğan rizasızlıq çaralarında qulğa alınuçılarnıñ irekkä çığarıluın taläp itä.

Keşe xoquqları öçen köräşüçe Said Aşur êş taşlawda küp törle azıq-tölek kibetläre säwdägärlärneñ qatnaşuın belderde. Alar demonstraśiyägä çığarğa telägän, ämma bu qurqınıçsızlıq şartları säbäple tormışqa aşmağan.

Järada şaxtaçılar şähäre bularaq bilgele. Anda 2017nçe yılnıñ 22nçe dekabrendä taşlandıq kümer kar’yerında êşlägän ike bertuğannıñ işelgän kümer astında qalıp ğomere özelgännän soñ rizasızlıq çaraları başlandı.