Ğazzädäge comğa çaralarına çaqıru

Fälästinlelärne 29nçı iyün’dä “Ğazzädän Könbatış Yordanğa qan häm yazmış urtaqlığı” iseme astındağı comğa çaralarında qatnaşırğa çaqıralar. Möräcäğat’ne Ğazzädäge Böyek qaytu häm qamalışnı cimerü yöreşe yuğarı milli komitetı yasadı. Yazma belderüdä äytelgänçä, comğa könne bulaçaq çaralarnıñ maqsatı Fälästin däğ’wasın yuqqa çığarırğa tırışuçılarğa qarşı xalıqnıñ berlege, qan häm yazmış urtaqlığına basım yasaw.

Komitet “Böyek qaytu yöreşe”neñ tınıç yullar belän xalıq demonstraśiyäläre bularaq däwam itäçägen assızıqlıy. Bu – basıp alu, rasaçıl säyäsät häm AQŞnıñ fälästin xalqınıñ milli xaqlarına balta çabuçı çişeleşlär uylap çığaruına qarşı rizasızlıq belderü bulaçaq.  

Fälästinlelär Cir köneneñ 42 yıllığı uñayınnan qamalıştağı Ğazzäneñ İzrail’ çigendä 30nçı marttan birle  “Böyek Qaytu yöreşe” isemle çaralar oyıştıra.