Franśiyädä vegetariannar höcüme
Franśiyädä it häm söt qullanmawçı vegetariannar, rizasızlıq çaralarında köç tä kürsätä başlağaç, itçelär torıp bastı
Franśiyädä it häm söt qullanmawçı vegetariannar, rizasızlıq çaralarında köç tä kürsätä başlağaç, itçelär torıp bastı. Başta tınıç çaralar belän başlanğan demonstraśiyälär soñınnan taş häm tayaqlı höcümnärgä äwerelde. Bu da itçelär häm it satuçı kibetçelärneñ tormışın qurqınıç astına quya başladı. Alar çarasızlıqtan däwlätkä möräcäğat’ itte. Franśiya itçelär federaśiyäse başlığı Jan-Fransua Gixard sośial’ çeltär aşa êçke êşlär ministrına açıq xat yazdı. Anda ul höcümnärne “vegetariannar terrorı” dip atıy. Federaśiya başlığı 18 meñ itçeneñ borçulı buluın äytä. “Xalıqnıñ ber öleşeneñ üz yäşäw räweşen qalğannarğa da mäcbüriläp tağarğa tırışuı bezne tirän borçuğa saldı,”-di ul.
2016nçı yılda yasalğan ber soraştıru näticäläre Franśiyädä yäşäwçelärneñ 3%ınıñ vegetarian buluın açıqlağan ide.