Êkvadorlı jurnalistlarnıñ üle gäwdäläre illärenä cibärelä

Êkvadorlı şofyer häm 2 jurnalistnıñ Kolumbiyädä cäsädlären tikşerü häm kemleklären bilgeläw êşläre tamamlandı. Alarnı bügen Êkvador hawa köçläreneñ oçqıçı belän illärenä cibäräçäklär.

“El Komersio” gazetası şofyerı Äfrain Sagarra, fotoxäbärçe Raul Rivas häm jurnalist Xav’yer Orteganıñ üle gäwdäläre Kolumbiyanıñ Tumako şähäre yanındağı buşlıqta tabıldı. Alarnı Kolumbiya inqıylabçı qorallı köçläreneñ oppoziśionerları Êkvadorda urlıy. Soñınnan Kolumbiyağa kiterep üterälär. Cäsädlärneñ kemlekläre äle kiçä genä tögäl bilgele buldı.  

Baş prokuror Nestor Numberto Martinez jurnalistlarğa älege tema buyınça mäğ’lümat birgännän soñ: “Kolumbiyä däwläte isemennän süz biräm – bu qurqınıç cinayät’ cäzasız qalmas,”-dip ışandırdı.