Malida 3 kümäk qaberlek tabıldı

Afrika däwläte Malinıñ märkäzendä 25 cäsäd kümelgän 3 kümäk qaberlek tabıldı. Cirle xäbärlärgä qarağanda, 13nçe iyün’dä Kobaka häm Nantaka rayonnarında Fulani cämğıyätennän küp sanda keşe qulğa alınğan. Cirle xalıq 2 könnän soñ 25 keşeneñ cäsäde kümelgän qaberleklärgä tap bula.  

Saqlanu ministrı Tiena Kulibali bu qaberleklärneñ çınnan da barlığın häm waqıyğada xärbilärneñ qatnaşı buluın qabul itte. Töbäkkä êkspertlar cibärelgän häm alar kümäk qaberleklärneñ barlığın raslağan. Şulay uq, iminlek köçläreneñ Nantaka häm Kobaka rayonnarında keşelärneñ üleme öçen cawaplı buluı da açıqlanğan.

Malinıñ ul töbägendä iminlek mäs’äläse şaqtıy kisken. Qorallı törkemnär armiyä köçlärenä höcüm itä. Monnan tış, qabilälär arasında räximsez bäreleşlär çığıp tora.