Dön’yanıñ iñ qart orangutangı ülde

Cir şarınıñ bilgele bulğan iñ qart orangutangı Puan 62 yäşendä ülde. Ul 1968nçe yıldan birle Avstraliyädäge Pert zooparkında yäşi ide. Sumatra orangutangı Puannı ölkän yäşe belän bäyle awıruları yözennän yoqlatırğa mäcbür buldılar. Anıñ 11 balası häm 54 onığı bar. Puannı zooparknıñ “zur qart apa”sı dip yörtkännär. Ul 2016nçı yılda “dön’yanıñ iñ ölkän orangutangı” bularaq Ginnesnıñ Rekordlar kitabına kertelde.

Dön’ya tabiğat’ne saqlaw waqıfı mäğ’lümatları buyınça, cirdä yaqınça 14 meñ 600 Sumatra orangutangı bar.