Yasalma zihen xastalıqlarnı keşeneñ sulışınnan belä alaçaq

Angliya ğalimnäre robotqa keşeneñ sulışın isnäp êçendäge awırularnı xäbär itüçe işarätlärne tanırğa öyrätä. Lafboro universitetınıñ fänni törkeme bu êş öçen qayber matematik model'lär tözede. Alar yärdämendä yasalma zihen keşe sulışında bulğan yözlärçä komponent arasınnan qayber yaman şeş törlären başlangıç êtaplarda açıqlıy alaçaq.    

Hawada bik az külämdä bulğan maddälärne tanıy ala torğan sizger cihazlar moña qadär dä bar ide. Alarnı törle laboratoriyälärdä qullanalar.

Çirlärne irtä diagnostikalawda da bu texnologiyädän faydalanu öçen qayber êşçänleklär alıp barıla.

Ämma bu êşçänleklär, mäğ’lümatnıñ belgeçlär tarafınnan centekläp tikşerelüe häm analiz yasaluı kiräk bulğanğa, ciñel häm tiz barmıy.

Yasalma zihen öçen akademik, tabib, şäfqat’ tutaşı, radiologlardan toruçı törkem yaman şeştän däwalanuçı xastalarnıñ sulış ürnäklären cıydı.  Soñınnan bu ürnäklär ximiklar häm sanaq belgeçläre tarafınnan tikşerelde.

Yasalma zihen monnan êlek belgeçlär tarafınnan yasalğan häm säğat'lär buyınça däwam itkän sulışlarnı berniçä minut êçendä analizlıy aldı.