Trampnıñ aktyer Robert De Niroğa kisken cawabı

AQŞ ilbaşı Donal’d Tramp aldağı könne ber tapşıruda üzen yamanlağan Gollivud aktyerı Robert De Niroğa kisken süzlär belän cawap birde.  

Tramp Singapurdan Amerikağa qaytu yulında Twitterdan höcüm itte. “Robert De Nironıñ İQsı bik tübän, fil'mnarda çın boksçılardan başına bik küp yodrıq êläkkän. Kiçä kiç anı qaradım, añğırayğan şikelle ide. Möğayen, iq’tisadıbıznıñ mäşğul’lektä xäzerge waqıtta iñ yaxşı xäldä buluın häm küp kenä şirkätneñ yañadan ilga kire qaytuın belmi,”-dide ul.  

Robert De Nironıñ 72nçe Toni büläkläw tantanasında turıdan-turı êfirda AQŞ ilbaşı Trampnı sügüe – kiçäneñ iñ istä qaluçı mizgele buldı. Oskarlı artistqa zaldağılar görlätep qul çaptı.