Franśiyada sıyınuçılar lagerenda êvakuaśiya

Franśiyanıñ tön’yağında Grand-Sint şähärendäge lager’dan yaqınça 300 sıyınuçı küçerelde. Töbäk gubernatorlığı beldergänçä, alarnı 120 kilometr yıraqlıqtağı törle qabul itü üzäklärenä ilttelär.

İke atna êlek tä Grand-Sint poliśiyäse sport zalında yäşäwçe 400 keşene başqa urınnarğa cibärgän ide.

Uzğan atna Franśiyäneñ başqalası Parijda isä yılğa yarları häm küper aslarınnan yaqınça meñ sıyınuçını tupladılar. Alarnı avtobuslarğa utırtıp ber sport zalına iltüläre xäbär itelde.

Parijda meñnärçä sıyınuçı baraklar häm iske çatırlarda ğomer sörä.

Franśiya idaräsen sıyınuçılarğa naçar mönäsäbät tışında, primitiv lager’lardan çığarılğan keşelärne waqıtlıça yäşäw üzäklärenä urnaştırıp, qısqa waqıttan soñ annan da çığaruda tänqıyt’lilär.