Gazzä tarafınnan İzrail’gä höcüm xäbäre

İzrail’ üzlärenä Gazzä tarafınnan höcüm buluın belderde. Bu xaqta armiya süzçese Avişay Adraê Twitter säxifäsendä yazdı. Anıñ söyläwençä, irtänge säğat’lärdä Gazzädän İzrail’neñ şaqtıy rayonına 25 minomyot yädräse atılğan, alarnıñ kübesen timer gömbäz hawa saqlanu sisteması belän totqarlağannar. Başqa çığanaqlar 25 yädrä tışında tağın ike ayırım höcüm buluın, alarnıñ Askalan töbäk parlamentına töşüen belderä. İzrail’ matbuğat çaralarında urın alğan xäbärdä isä Gazzädän çikkä yaqın berniçä noqtağa raketa atıluın yazalar.

Bu höcümnär turında Fälästin tarafı älegä açıqlaw yasamadı.   

İzrail’neñ soñğı 2 köndä Gazzädäge Xamas häm İslam cihadı töbäklärendäge qayber üzäklärgä yasağan hawa höcümnärendä 4 fälästinle şähit buldı.