Şveśiya suğış oçraqlarına äzerlänä

Şveśiyada suğışlar häm başqa krizislar waqıtında nilär êşlärgä kiräklegen añlatqan broşyuralar çığarıldı. Alar 4,8 million yortqa taratılaçaq. “Krizis yäisä suğış başlansa” dip ataluçı 20 bitlek kitapçıqta mömkin bulğan qazalar, naçar hawa şartları, siber höcümnär häm iñ naçarı – suğış çığu oçraqlarında ictimağıy xezmätlär köçsezlängän waqıtta üzeñne saqlaw ısulları birelgän. Maxsus xezmätlär beldergänçä, bu ilneñ awır xällärgä tağın da xäzerlekle buluı öçen möhim. 10 million keşese bulğan Şveśiya xalqın qurqınıç yanağanda iminlekkä öleş kertergä öyrätälär. Aşığıç xäl tartmasında nilär bulırğa tiyeş – broşyurada bu centekläp añlatılğan. Şulay uq, bankomatlar êşlämägän oçraqlarğa äzer bulırğa – öydä beraz aqça saqlarğa kiñäş itelä.   

Şveśiyada 28nçe may-3nçe iyun’ ğadättän tış xällärgä äzerlek atnası. Kitapçıqlar şul waqıtta taratılaçaq. Anıñ törle tellärdäge nösxalaren internettan da yökläp bula.  Monnan tış, 9 teldä söyläşüçe xezmätkärlär 29nçı iyun’gä qadär telefon aşa sorawlarğa cawap biräçäk.

“Krizis yäisä suğış başlansa” kitapçığının täwge basması 2nçe Bötendön’ya suğışı waqıtında çıqqan bulğan.