Nigeriyada kötüce häm fermerlar arasında bäreleşlär

Könbatış Afrika däwläte Nigeriyada iminlek köçläre tarafınnan qorallı törkemnärgä qarşı 4 töbäktä ütkärelgän operaśiyada 35 keşe üterelde. Armiya xäräkätne  kötüce häm fermerlar arasında bäreleşlär bulğan cirleklärdä yasadı. Anda küp sanda keşelärneñ qulğa alınuı da xäbär itelä.

Nigeriya xäbär agentlığı mäğ’lümatlarına qarağanda, çara Benue, Taraba, Zamafara häm Nasarawa töbäklärendä uzğan. Xärbilär qorallı törkemnärne täêsirsez xälgä kiterü maqsatı quyğan. Operaśiya barışında ähämiyätle külämdä qoral qulğa töşerelgän.

Armiya tarafında da yuğaltular bar. Ber xärbine urlağannar, 2se yaralanğan.

Nigeriyada kötüce häm fermerlarnıñ ğıynvar ayınnan birle däwam itüçe bäreleşlärendä bik küp keşeneñ ğomere özelde. Meñnärçä keşe isä yort-ciren taşlap kitärgä mäcbür buldı. Şul säbäple xökümät bäreleş rayonnarındağı qurqınıçsızlıq çaraların arttırdı.

Fulanilar terleklären utlatu öçen ilneñ kön’yağına küçengän. Alar fermerlarnıñ xaywannarnı urlawın häm üzlärenä höcüm itüennän zarlana.    

Qarşı yaq isä Fulani kötüçeläreneñ xristiannar küp bulğan kön’yaq töbäklärdä 18nçe ğasırda yäşägän islam ğalime şäyex Osman Dan Fodionıñ täğ’limatların cäyelderergä mataşuın söyli.