Yämän balaları mäktäpkä moxtac

Yämändä balalarnıñ 25 %ı mäktäpkä yörmäwen belderde.

Bu xaqta Berläşkän Millätlär üseş programmasınıñ Yämän bülege sośial’ çeltärdä urtaqlaştı. Anda, şulay uq, mäktäpkä yörüçe balalarnıñ bäreleşlärdän zarar kürgän, xäräbä xälendäge sıynıflarda uquı yazılğan. Programma ildä minimal’ belem alunı täêmin itü öçen Dön’ya bankı yärdäme belän 113 mäktäp häm 1297 sıynıfnı yañartqan.

Berläşkän Millätlär balalarğa yärdäm fondınıñ 2016nçı yıl axırlarında xäzerlägän xisabına qarağanda, Yämändä ul waqıtta mäktäp yäşendäge 7 meñnän artıq bala bulğan.

İldä ozaq waqıt säyäsi totrıqsızlıq xökem sörä. Qanunlı xakimiyätne bärep töşergän Xusilär 2014nçe yıldan birle başqala Sana häm qayber töbäklärneñ idaräsen üz qulında tota. Yämändä 3 yıldan artıq Soğud Ğaräbstanı citäkçelegendäge koaliśiya köçläre yärdämenä tayanuçı xökümät belän Xusilär arasında dähşätle bäreleşlär däwam itä.