İran İzrail’gä höcüm itmäwen belderä

İran üzeneñ İzrail’gä raketa höcüme yasawı turındağı xäbärneñ yalğan buluın belderde. İsegezgä töşeräbez, bügen İzrail’ armiyäse Süriyädäge iranlı xärbilär tarafınnan 20läp raketa atıluın xäbär itte.  Şuña cawap itep alar Süriyägä ut açtılar. İran parlamentı Milli iminlek häm tışqı säyäsät komissiyäse iyäse Möxämmät Cävad Cämali İrannıñ Süriyädä bazası bulmawın alğa sörde. Şulay uq, suğışçılarnıñ ul ildän torıp İzrail’gä höcüm itüläre xäbären kire qaqtı.