Mäxmüt Abbas Venesuêlada

Fälästin däwlät başlığı Mäxmüt Abbas Latin Amerika illäreneň İzraildäge ilçeleklären Qudüs-Yerusalimğa küçermäyäçägen ömet itüen äytte.

Fälästin xäbär agentlığı WAFAğa kürä räsmi söyläşülärdä qatnaşır öçen Venesuêlağa kitkän Abbas monda xezmättäşe Nikolas Maduro belän küreşte.

Abbas Maduroğa Fälästin mäs’äläsendäge soňğı täraqqıyät’lär häm fevral’ ayında BMO iminlek şurasında açıqlağan tınıçlıq vizionı belän bäyle mäğlümat birde.

Söyläşüdän soň matbuğat oçraşuı oyıştırğan Abbas: “Bu qitğadan qayber illärneň ilçelegen Yerusalimğa küçermäyäçägen ömet itam. Bu xalıqara xoquqqa qarşı ğamäl. Könçığış Yerusalim 1967 yıldan birle yawlaw astında häm Fälästin däwläte başqalası bulıp tora. Dönyadağı illärneň kübese monı şulay qabul itä,” – dide.

İzrail belän tınıçlıq urnaştıru barışına da tuqtalğan Mäxmüt Abbas xalıqara qararlar buyınça citdi söyläşülär ütkärergä teläwlären qabatladı.

Maduro isä ileneň Fälästin xalqınıň yawlawdan qotıluın, bäysezlek häm irek xoquqların xuplaw mäs’äläsendä täwäkkäl totış kürsätüen assızıqladı.

Venesuêla Fälästindäge diplomatik wäkillek däräcäsen 2015 yılnıň may ayında tulı wäqalätle ilçelek däräcäsenä citkerde häm İzrail belän barlıq diplomatik mönäsäbätlären dä özgän ide.