Kim Çennıñ kötelmägän säfäre

Tön’yaq Koreya liderı Kim Çen AQŞ ilbaşı Donal’d Tramp belän bulaçaq sammitqa qadär Qıtayğa kötelmägän säfär yasadı. Ul älege ilneñ däwlät başlığı Si Śzin’pin belän oçraştı. Cirle telekanal ike lidernıñ Dalian şähärendä diñgez kenarında yörüen kürsätkän kadrlar belän urtaqlaştı. Başqa ber xäbär agentlığı alarnıñ kiçä häm bügen oçraşular uzdıruın yazdı. Kim anda Koreya yarımutrawın atom-töş qorallanuınnan çistartu telägendä qararlı buluın häm moña här zaman tuğ’rı qalaçaqların belderde. “Taraflar doşmança säyäsät häm iminlekkä yanawdan yıraq torsa, atom-töş qorallarına ixtiyac tumas. AQŞ belän Tön’yaq Koreya dialog yulı belän ber-bersebä ışanıç tözi alır dip ışanam. Böten yaqlar Koreya yarımutrawındağı mäs’äläneñ tınıç yul belän xäl itelüe öçen atom-töş qorallardan qotılu häm ozaq waqıtqa solıx täêmin itüne êtaplap häm berdäm çaralar belän başqarırğa tiyeş.    

Qıtay däwlät başlığı Si isä Koreya yarımutrawındağı wäzğıyät’ häm ikeyaqlı mönäsäbätlärdä uñay üzgäreşlärne kürüenä şatlanuın äytte. Ul duslıqnıñ nığuınıñ ike millät öçen dä baylıq buluın belderde.

Tön’yaq Koreya liderı Kim Çen mart ayında Qıtay başqalası Pekinğa yäşeren säfär oyıştırdı. Ul anıñ däwlät başlığı bularaq täwge çit il säyäxäte ide.