Dini urınnarğa 128 höcüm
Bolarğa yähüd bäyrämnäre nigeznamä bularaq kürsätelä
İzrail köçläre häm yähüd bistälärendä yäşäwçelär aprel’ ayında Äl-Aqsa mäçete belän ber rättän Fälästindäge cämiğ, törbä häm dini urınnarğa 128 höcüm oyıştırdı häm basıp kerde.
Fälästinneň Waqıflar häm dini êşlär ministrı Şäyex Yosıf Ädis yasağan yazma açıqlawında yähüd bäyrämnäre nigeznamä bularaq kürsätelep, İzrail poliŝiyase ximayasında Äl-Aqsa mäçetenä kergän yähüdlärneň aprel’ ayında artuın belderde.
Şäyex Ädis İzrail köçläreneň Äl-Aqsa mäçeten qamawnı häm ğibadät öçen kilüçe möselmannarğa basım yasawnı däwam itterüen assızıqlap, yähüd toraq puntklarında yäşäwçelärneň dä Äl-Aqsa mäçeten 33 tapqır basularına iğtibarnı cälep itte.
Yawlaw astındağı Könçığış Qudüsneň İske şähär töbägendä urnaşqan Ä-Aqsa mäçete - möselmannarnıň berençe qiblası.
Yähüdlär êçendä Qibla mäçete belän Kubbetu’s Saxra cämiğı häm muzey, mädräsälär, zur işeğaldı bulğan Äl-Aqsa kölliyäte astında “Söläyman yädqarlege qaldıqlarınıň tabıluı” däğwası belän qazu êşçänleklären alıp bara häm anda üzläreneň dä ğibadät qılu xaqlarınıň buluın belderä.
