Angliya patşalığında söyençe

Angliya patşa täxeteneñ ikençe çirattağı varisı prinś William häm xatını Kêytnıñ öçençe balası tudı. Twitterda yazılğan xäbärdä bäbäyneñ 3800 gramm awırlıqta dön’yağa kilüe häm ir bala buluı äytelä. Näni prinś çirle waqıt belän säğat’11dä tuğan.

Ulınıñ dön’yağa berençe awazın Prinś William işetä, ul xatını yanında bula. Änineñ dä, bäbäyneñ xäle äybät.

Kêytnı irtänge säğat’ 6da Londonnıñ İzge Mêri xastaxanäsenä kiterälär. Küpsanlı jurnalistlar tuu xäbären işek töbendä kötä.

 Prinśessa Diana da ike balasın älege xastaxanädä tudırğan bulğan. William belän Kêytnıñ monnan aldağı ulları häm qızları, şulay uq, biredä tudı.

Patşalıq ğoref-ğadätläre buyınça, tuu turındağı xäbär patşabikä 2nçe Êlizabetnıñ räsmi yäşäw urını – Bukingem Sarayı işegenä êlenep xalıqqa beldereläçäk.