Kim Çennıñ Qıtayğa baruı bilgele buldı

Tön’yaq Koreya liderı Kim Çennıñ Qıtayğa baruı turındağı söyläşülär çın bulıp çıqtı. Pekinğa bik yuğarı saq astındağı poyızdnıñ kilüe häm annan ilbaşı konvoyına küçep utırğan delegaśiya xaqında xäbärlär taralğan ide. Qıtay tarafı başta Kim Çennıñ kilüen raslamadı.

Xäzer ike ilneñ liderı oçraşuı turındagı xäbär räsmi bularaq açıqlandı. Bu Kim Çennıñ çit ilga berençe räsmi säfäre ide. Häm ul lider bularaq täwge tapqır başqa däwlätneñ ilbaşı belän oçraştı.

Kim bu säfärdä atom-töş qoralınnan baş tartu tarafdarı buluın assızıqladı. Ul bu omtılışlarnıñ Kön’yaq Koreya häm AQŞ tarafınnan yaxşı niyät belän qabul iteläçägenä ömetlänüen belderde. “Ägär solıx häm totrıqlılıq atmosferası tudırsaq, Koreya yarımutrawında atom-töştän baş tartu mäs’äläse xäl iteler,”-di Kim Çen. Ul, şulay uq, Tön’yaq Koreyadağı kiyerenkelekne azaytu häm wäzğıyät’ne yaxşırtu öçen êşçänlek alıp baruın da belderde.