Könçığış Gutadan 11 meñnän artıq keşe çığarıldı

Suriyädä Äsäd rejimı häm yärdämçeläreneñ qamalışındağı Könçığış Gutadan çığarğa mäcbür buluçılarnı alıp kitüçe 4nçe konvoy Xama rayonına barıp citte. Älege êş, ikeyaqlı söyläşülär näticäsendä, Rusiyä garantiyäse belän ğamälgä aşırıla. Kileşü Arbin, Zemelka häm Ayn Terma rayonnarın üz êçenä ala.

Baştağı 2 konvoy Xarestadan çığuçılarnı alıp kitte. Şunnan soñ başqa rayonnarğa çirat citte.  84 avtobus häm 14 mediśina yärdäme kürsätü maşinasınnan toruçı 4nçe konvoy 5300 keşene taşıy. Alar arasında awırular, yaralılar häm oppoziśiyä xärbiläre bar. Yaqınça 600 yaralı keşeneñ tormışına qurqınıç yanıy. Konvoy İdlib häm Xäleb qırlarında waqıtlı sıyınu urınnarına kitä. Könçığış Gutadan çığarıluçılarnıñ tuplam sanı 11 meñnän arttı. Deportaśiyanı däwam itterergä uylıylar.