Netanyaxu Afrikalı qaçaqlarnı mısqıllağan

İzrail prem’yer-ministrı Binyamin Netanyaxu Afrikalı qaçaqlarnıñ terrorçılıqtan tağın da zur qurqınıç buluın däğwa itkän.

İzrailneñ Ministrlar kabinetınnan yasalğan açıqlawğa kürä Netanyaxu ilneñ kön’yağındağı Dimona şähärendä oyıştırılğan ber konferenśiyadä yasağan çığışında Misırda Sina yarımutrawı buyınça diwar tözülärendäge maqsatnıñ höcümnär häm ilgä kerülärgä kirtä quyu buluın citkergän.

İzrailneñ radikal’ İslami töbäklär belän uratıp alınuın häm çiklären saqlarğa mäcbür buluın däğwa itkän prem’yer tübändägeçä citkergän: “Çigebez buyınça suzılğan Sina belän arabızda 200 çaqrımlıq diwardan toruçı zur proyektnı tämamladıq. Bu diwar bulmasa, Sinadağı terrorçılar oyıştırğan höcümnär häm Afrikalı qaçaqlarnıñ çikne uzıp, ilebezgä kerüläre kebek zur problemalar belän oçraşır idek. Bu bik qurqınıç.”

İzrail xökümäte soñğı yıllarda Yordaniya, Livan, Misır, Ğazzä, yawlaw astındağı Yordannıñ könbatış üzänlegendä häm Golan qalqulıqlarında “iminlek” däğwası belän diwar tözi.