Êlekkege rus şımçısın “Noviçok” ağulağan

Angliyada êlekkege rus şımçısınıñ ağulanuın AQŞ däwlät särqatibe Reks Tillerson Rusiyädän kürä. Ul Sergey Skripal’ belän bäyle belderü yasadı. “Angliyädä alıp barılğan tikşerügä häm bu höcümneñ artında Rusiyä tora digän fikergä tulısınça ışanabız,”- di Tillerson. Belderüdä mondıy höcümnärgä bernindi aqlaw bulmawı da äytelä. “Ukrainada, Süriyädä, xäzer isä Angliyada, ilneñ bäysezlege häm watandaşların tämek itep alıp, Rusiyä dön’yada totrıqsızlıqqa yul açuçı ğamällären däwam itä,”- di  AQŞ däwlät särqatibe.  

Angliya xökümäte räise Tereza Mêy êlekkege rus şımçısı häm anıñ qızı Yuliyağa täêsir itkän ximik matdä turında däwlät parlamentına xäbär bira häm: “ Skripal’ belän qızınıñ Rusiyä tarafınnan çığarılğan nerv sistemasına  täêsir itä torğan xärbi xarakterdağı ximik matdä belän ağulanuı açıqlandı,”-di. Bu ağu “Noviçok” bularaq bilgele ximik matdälär törkemenä kerä häm êlek Rusiyä tarafınnan çığarılğan. Belgeçlär ilneñ äle xaman da bu matdäne çığara aluına şiklänmi.