“Berkem dӓ qalmadı” xisabı açıqlanğan
Myanmada ber ayda 9 meñnӓn artıq arakanlı möselmannıñ üterelüe çamalana
Çik tanımawçı tabiblar oyışması Myanmada 25 avgust – 24 sentӓbr’ könnӓrendӓ kim digӓndӓ 9 meñ 400 arakanlı möselmannıñ yaqtı dönyadan kitüeneñ uylanıluın açıqlağan.
Oyışma Arakanda 25 avgusttan bügengӓ qadӓr küzӓtelgӓn qırıslıq waqiğaları belӓn bӓyle bularaq “Berkem dӓ qalmadı” isemle xisap açıqlağan.
Bangladeşka sıyınğan arakanlı möselmannar oyışma xezmӓtkӓrlӓre belӓn ütkӓrgӓn söylӓşülӓrdӓ duçar qalğan zolım ülçӓmen añlatqan.
Möselmannarğa qarata qullanılğan qırıslıq arasında awıllarnıñ hӓm öylӓrneñ basıp alınuı, tirӓ-yaqqa utnıñ açıluı, tuğannarınıñ üterelüe, qaçu yullarına mӓyetlӓrneñ quyıluı hӓm köçlӓw urın ala.
Xalıqara keşe xoquqların saqlaw oyışmaları kürsӓtkӓn iyӓrçen yazmaları belӓn yözlӓrçӓ awılnıñ yuqqa çığarıluın isbatlağan.
BMO hӓm xalıqara keşe xoquqları oyışmaları arakanlı möselmannarğa qarata qırıslıqnı “etnik çistartu” yӓisӓ “genośid” dip atıy.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı