M’yanma xökümäte cawapqa tartılaçaqmı?

BMO Keşe xoquqları yuğarı komissarı Zäyd Raad Äl-Xüsäyen M’yanmada arakanlı nöselmannarnıñ 2017nçe yılnıñ 25nçe avgustınnan birle genośidqa duçar buluın isbatlawçı köçle dälillär barlığın söyläde. Bu xaqta ul şuranıñ utırışında belderde. Äl-Xüsäyen Bangladeşqa qaçırğa mäcbür bulğan 900 meñgä yaqın arakanlı möselman häm M’yanmada qalğannar öçen ciddi borçıluın belderä. Ul Arakan töbägendä xaman etnik çistartu däwam itüennän şiklänmi.

M’yanma xökümäteneñ bul’dozer belän kümäk qaberleklär östen tigezlätep, üz cinayät’lären yäşerergä teläwennän dä BMO xäbärdar.

“Qorbannar, iminlek köçläre häm çirle poliśiya tarafınnan cinayät’, köçläw, ğazaplaw, cäber-zolım häm keşe urlaw oçraqların, azıq-tölek çığanaqlarına yulların kirtäläp arakanlı möselmannarnı açlıqqa duçar itülären beläbez”,-di Zäyd Raad Äl-Xüsäyen. Ul Keşe xoquqları şurasın M’yanmada êşlängän cinayät’lärne açıqlap, ğayeplelärne xökemgä tartu öçen bäysez häm tarafsız mexanizm tözergä çaqırdı.

Arakanda 1970nçe yıllarda 2 million möselman yäşägän. Xäzerge waqıtta töbäktä alarnıñ sanı 350 meñ tiräse genä qalğan.