Angliyadağı şartlawda ülüçelär sanı arttı

Angliyanıñ Lester şähärendä bulğan şartlawda ülüçelär sanı 5kä citte. Poliśiya binadan tağın ber mäyet çığarğan. Xäzerge waqıtta 5 keşe xastaxanädä tabiblar küzätüe astında, berseneñ xäle ayıruça awır. Şartlawnıñ säbäbe älegä açıqlanmağan. Anıñ terrorçılıq belän bäyle bulıp-bulmawı da bilgele tügel. Binanıñ berençe qatında kibetlär, ikençe häm öçençe qatlarında fatirlar urnaşqan. Êzläw häm qotqaru êşläre däwam itä.