BMOda Süriyä häm Arakan mäs’äläse

Berläşkän Millätlär oyışması ğomum särqatibe Antonio Guterriş İminlek şurasınıñ “Süriyädä ber ayğa atışnı tuqtatu” qararın tormışqa aşırunıñ ähämiyäten assızıqladı. “Cir yözendäge bu cähännämne tuqtatunıñ näq’ waqıtı",- dide ul.

Berläşkän Millätlär oyışması Keşe xoquqları şurasınıñ 37nçe utırışı Jenevada açıldı. Guterriş üzeneñ çığışında Bäşşar Äsäd rejimı qamalışındağı Könbatış Gutada yäşägän 400 meñ keşegä aşığıç, ışanıçlı häm daimi bularaq gumanitar yärdäm birü häm yaralılar belän awırularnı çığaru öçen äzer buluların belderde. Ul töbäktä suğışqan böten taraflarnıñ xalıqara xoquq qısalarında tınıç xalıqnı häm ictimağıy binalarnı saqlarğa tıyeşlegenä basım yasadı.

Utırışta, şulay uq, Arakan möselmannarı mäs’äläse da kütärelde. Guterriş alarnı iñ nıq diskriminaśiyälängän xalıq dip sanıy. Vatandaşlıq xaqlarınnan mäxrüm itelgännär, xärbilär tarafınnan wäxşilärçä zolım kürgännär häm öylärennän sörelgännär. Bolar bötenese arakanlı möselmannarğa qarşı etnik çistartu alıp barılğanlığın kürsätä.   Guterriş bu xälgä ber çişeleş tabarğa kiräklegen belderä. “M’yanmar xökümäten Arakanğa keşeleklelek kürsätergä, xalıqara cämäğat’çelekne isä Bangladeşqa qaçarğa mäcbür bulğan möselmannarğa tağın da kübräk yärdäm kürsätergä çaqıram”,-dide ğomum särqatib.

Utırış 23nçe martqa qadär däwam itäçäk.