Kolumbiya Törkiyäne ürnäk itep ala
Venesuêladan ağıluçı qaçaqlar belän êş itü öçen Törkiyä täcribäsen öyränälär
Kolumbiya däwlät başlığı Xuan Manuêl’ Santos Venesuêladan kilüçe möhacirlär belän êş itü öçen Törkiyä täcribäsen ürnäk itep aluların belderde. İqtisadıy krizis, aşaw-êçü qıtlığı häm aqça yuqlıq säbäple venesuêlalılar kürşe illärgä ağıla. Kolumbiya bu isemlekneñ başında. Xuan Manuêl’ Santos küçep kilüçelärneñ küplege zur qıyınlıqlar tudıruın söyli. Çönki bu ölkädä täcribäläre yuq. Şuña kürä xalıqara cämäğat’çelektän yärdäm kötälär. Şul uq waqıtta Törkiyä şikelle qaçaq ağımı zur bulğan däwlätlärdän öyränergä tırışalar. Bu nisbättän törle illärgä delegaśiyälär cibärgännär. Bilgele bulğança, Törkiyä 3,5 million qaçaqnı üzenä sıyındırdı. Kübese süriyäle.
Santos qaçaq krizisınıñ matdi yaqtan da qıyınlıq tudıruın yäşermi. Kolumbiyada yäşäwçe venesuêlalılarnıñ sanı 550 meñ bulğan. Uram balaların vakśinalaştıru häm mäğarif çığımnarın da quşıp ilneñ 30 million dollar yärdämgä ixtıyacı bar.
