Afrikada açlıq betärme?

BMO ğomüm sӓrqӓtibe Antonio Guterres dönyada açlıqnıñ artuın hӓm monıñ iñ küp Afrikada küzӓtelüen ӓytkӓn.

Guterres Êfiopiya başqalası Addis Ababada oyıştırılğan 30nçı Afrika berlege oçraşuı qısalarında ütkӓrelgӓn “Afrikadağı açlıqnı beterü” isemle çarada çığış yasağan.

Bӓreleş hӓm azıq-tölek iminlege arasındağı bӓylӓneşkӓ işarӓt itkӓn Guterres: “Dönyada açlıq arta bara hӓm Afrika global’ açlıq iñ küp bulğan urın,” – digӓn.

Afrikanıñ azıq-tölek iminlegen tӓêmin itӓ aluı öçen tağın küp tırışlıq quyuı zarurlığın citkergӓn Guterres: “Afrikadağı illӓrneñ 5%ı gına Afrika Berlegeneñ igençelek qalqınu programması maqsatların qanӓğat’lӓnderӓ ala,” – digӓn.

Gvineya dӓwlӓt başlığı Alfa Konde isӓ azıq-tölek iminsezlege hӓm citӓrsez tuqlanunıñ şul uq waqıtta qitğadağı şaqtıy alandağı bӓreleşlӓrneñ sӓbӓbe buluın citkergӓn.

Konde azıq-tölek iminlegeneñ urnaştırıluı öçen xayvan çığanaqlarınnan kübrӓk faydalanırğa kirӓklegen assızıqlağan.

Êfiopiya prem’yer-ministrı da fӓqir’lekneñ azaytıluı hӓm azıq-tölek iminsezlegeneñ beterelüe öçen qitğadağı suğaru sistemasınıñ nığıtıluı zarurlığın hӓm barı tik yañğır kürüçe igençelek sistemasınıñ bu maqsatlar öçen citӓrsez buluın beldergӓn.