Yämändä xolera häm açlıq
İldä xolera yoqtırğan keşe sanı 1 millionğa citkän
”Qızıl Xaç” Yämändä xolera yoqtırğan keşe sanınıñ 1 millionğa citüen beldergän.
Oyışma ildä watandaşlar suğışı säbäbe belän xalıqnıñ 80%ınıñ çista su,azıq-tölek, yağulıq häm mediśina xezmätlärennän mäxrüm buluın citkergän.
Bötendönya sälamätlek saqlaw oyışması da aprel’ ayında başlanğan xoleradan bügenge köngä qadär 2219 keşeneñ ğomere özelüen beldergän.
Berläşkän Millätlär Oyışması Yämändä dönyadağı iñ awır keşelek draması küzätelüenä basım yasağan.
İldä xoleradan tış millionnarça keşegä açlıq yanıy.
BMOnıñ azıq-tölek häm igençelek oyışması Yaqın Könçığışta, ayıruça Yämändä azıq-tölek iminlegeneñ bik naçarayuın citkergän.
Ğaräp dönyasınıñ iñ fäqir’ ile Yämändä 2015 nçe yıldan birle şiği husi suğışçıları sönni däwlät başlığı Abdurrabbu Mansur äl Hadiga bäyle berleklärgä qarşı suğışa.
