AQŞ hӓm İzrailğa qarşı protest çaraları

Amerika Quşma Ştatları ilbaşı Donal’d Trampnıň Yerusalimne İzrail başqalası bularaq tanuı qararınnan soň Yordannıň könbatış üzӓnlege belӓn İzrail blokadası astındağı Ğazzӓneň qayber töbӓklӓrendӓ protest çaraları oyıştırılğan.

Yordannıň könbatış üzӓnlegeneň Ramallah, Ӓl –Xӓlil, Bӓytüllahim, Kalkiliya, Tubas, Nablus hӓm Ӓriha şӓhӓrlӓrendӓ meňnӓrçӓ fӓlӓstinle uramnarğa çıqqan.

Töp prospekt hӓm mӓydannarda cıyılğan meňnӓrçӓ fӓlӓstinle AQŞ hӓm İzrailğa qarşı şiğarlӓr ӓytkӓn.

Ramallahtağı çarada AQŞ hӓm İzrail bayraqların yandırğan fӓlӓstinlelӓr AQŞ ilbaşı Trampqa qarşı şiğar’ ӓytep, reakŝiyalӓren beldergӓn.

Falӓstinle milli hӓm İslami köçlӓr wӓkillege tarafınnan açıqlanğan urtaq beldergedӓ yawlaw astındağı Yordannıň könbatış üzӓnlegendӓ ğomüm êş taşlaw çarasnıň oyıştırılaçağı citkerelgӓn.

Beldergedӓ AQŞ hӓm İzrailğa qarşı protest çaraların dӓwam itterergӓ dӓ çaqıru yasalğan.