Tönyaq Koreya raketa oçırtıp qarawın beldergӓn

Tönyaq Koreya uňışlı qitğalarara ballistik raketa oçırtıp qarawın beldergӓn.

Tönyaq Koreya üzӓk televideniyese “Hwasong-15” isemle qitğalarara ballistik raketanıň oçrıtıluın citkergӓn.

İl liderı Kim Jong-unnıň boyırığı belӓn çınğa aşırılğan sınap qarawnıň uňışlı tӓmamlanuı belderelgӓn xӓbӓrdӓ bu raketanıň Amerikan cirlӓrenӓ ut aça alacağı dӓğwa itelgӓn.

Amerika Quşma Ştatları Saqlanu ministrlığı Tönyaq Koreyanıň raketa oçırtıp qarawın açıqlağan ide.

Saqlanu ministrı Djeyms Mattis oçırtılğan raketanıň xӓzergӓ qadӓr iň yuğarıda oçuçı raketa buluın beldergӓn ide.

Pentagon süzçese, polkovnik Rob Manning raketanıň meň çaqrım oçqannan soň Yapon diňgezenӓ, Yaponiya su kiňlegendӓge töbӓkkӓ töşüen ӓytkӓn ide.

Tönyaq Koreyanıň soňğı raketa sınap qarawı belӓn bӓyle kirӓkle adımnarnı yasayaçaqların ӓytkӓn AQŞ ilbaşı Tramp: “Monı bӓyӓliyӓçӓkbez,” – açıqlawın yasağan ide.

Yaponiya kabinetı isӓ tӓraqqıyӓtlӓrne qarar öçen ğadӓttӓntış cıyılğan.