Ülüçelär sanı 23kӓ citkӓn

Myanmadağı armiya hӓm fanatik buddistlarnıň höcümennӓn qaçıp, Bangladeşqa barırğa cıyınğan arakanlı möselmannar utırğan köymӓneň ӓylӓnüe nӓticӓsendӓ yaqtı dönyadan kitüçelӓr sanı 23kӓ citkӓn.

Bangladeş matbuğatına kürӓ İminlek rӓsmi zatı Moinuddin Khan yasağan açıqlawında: “Yӓkşӓmbe tönlӓ Naf yılğasında ӓylӓngӓn köymӓdӓge tağın 11 keşeneň mӓyeten taptıq. Ülüçelӓr sanı 23 buldı,” – digӓn.

Poliŝiya törkemnӓre yuğalğan 14 arakanlı möselmannıň tabıluı öçen êzlӓw hӓm qotqaru êşçӓnleklӓren dӓwam itterӓ.

Bangladeşlı rӓsmi zatlar düşӓmbe könne 10ısı bala bulğan barlığı 12 keşeneň mӓyeten tabuın açıqlağan ide.

Naf yılğası aşa Bangladeşka barırğa cıyınğan arakanlı möselmannar utırğan köymӓlӓr naçar hawa şartları yӓisӓ köymӓlӓrgӓ küp keşeneň utıruı arqasında yış rӓweştӓ ӓylӓnӓ.