Arakan xalqına yärdäm

Berläşkän Millätlär Oyışmasınıñ Balalarğa yärdäm kürsätü fondı YUNİSEF Bangladeştağı Arakanlı möselman qaçaqları öçen äzerlägän 100 meñ tonnalık humanitar yärdäm materialı töyälgän oçqıç başqala Dakka barıp citkän.

YUNİSEFtan yasalğan yazulı açıqlawda Bangladeşka cibärelgän yärdäm materialları arasında su çistartuçı poroşok, gigiyena häm sälamätlek saqlaw materialları, uyınçıqlarnıñ buluı belderelgän.

Açıqlawda YUNİSEFnıñ Bangladeştağı wäkile Êduard Beygbedernıñ yärdämnärneñ yök maşinalarında Maynma çigendäge Koks Bazar şähärenä citkerelgäçägen äytüe urın ala.

YUNİSEFnıñ ikençe yärdäm materiallarınıñ da yulda buluın citkergän Beygbeder alar êçendä balalar öçen mäktäp buqçaları, gigiyena materialları häm azıq-tölekneñ bulacağın beldergän.

Myanma armiyaseneñ qorallı suğışçılar belän köräş itüen äytep, Arakanda tınıç xalıqqa qarata oyıştırğan höcümnärendä 25nçe avgust könennän bügengä qadär meñnärçä möselman yaqtı dönyadan kitkän.

Höcümnärdä 200 tiräse awıl armiya häm buddist millätçelär tarafınnan yandırılğan yäisä qullanılmas xälgä kiterelgän.

BMOnıñ Qaçaqlar yuğarı komissarı Fillipo Grandi 25nçe avgusttan bügengä qadär Myanmadağı qırıslıqtan qaçuçılar sanınıñ 430 meñnän artıq buluın açıqlağan ide.