Täxettän waz kiçkän

Yaponiya İmperatorı Akihitonıñ 25 yäşlek onığı täxetennän waz kiçkän

Täxettän waz kiçkän

Yaponiya İmperatorı Akihitonıñ 25 yäşlek onığı, prinśessa Mako mäxäbbäte öçen prinśessa täxetennän waz kiçkän.

Yuğarı uqu yortındağı iptäşenä kiyäwgä çığu qararın qabul itep, patşalıq yolaların ütämägän Mako prinśessa däräcäsennän dä waz kiçärgä mäcbür bulaçaq.

Prinśessa Mako 2012nçe yılda başqala Tokiodağı Xalıqara xristiyan universitetında Kei Komuro belän tanışqan.

Ul waqıtta gel bergä waqıt uzdırğan yäşlär ozaq waqıttan birle öylänü plannarın qora ide.

Läkin Yaponiya Patşalığı ğoref-ğadätlärenä çirattan watandaş belän öyläneşäçäk patşalıq äğzase täxettän häm däräcäsennän waz kiçärgä mäcbür.

Barlıq bolarnı belep toruçı prinśessa Mako isä kiläse aylarda yäräşergä cıyına.

Kiyäw yegete Kei Komuro ber xoquq byurosında êşli.

Çañğıda şuuçı, skripkada uynawçı häm yaxşı peşekçe buluı äytelgän Komuro ber waqıt restoranda ofiśiant bulıp êşlägän.

Turizm tarmağında da êşlägän yeget änise häm babası belän Yokohama şähärendä yäşi.



Bäyläneşle xäbärlär