4 êşçedän berse - Afrikalı

Berläşkän Millätlär Oyışması Afrikadağı xalıq sanı artışı arqasında 2050nçe yılda bar dönyada 4 êşçedän berseneñ Afrikalı bulacağın küzallağan.

BMO tarafınnan oyıştırılğan, ike kön baraçaq Däwam itterelä alına torğan qalqınu Afrika regional’ forumı şaqtıy Afrikalı ministr häm belgeç qatnaşında Êfiopiya başqalası Addis Ababada başlanğan.

Forumda däwam itterelä alına torğan qalqınu maqsatlarında qitğada ireşelgän soñğı wazğiyät’ häm yasaluı zarur adımnar bäxäsläşelä.

BMOnıñ Afrika iqtisadı komissiyase ğomüm särqätibe  Vera Songwe açılıştağı çığışında qitğada üskän tiñsezlekneñ häm êşsezlekneñ dä cıyılışlarda qaralaçağın citkergän.

İkençe yaqtan cıyılışta qatnaşuçılarğa Afrika belän bäyle BMO äzerlägän xisap taratılğan.

Xisapta Afrika qitğası kiläse yıllarda oçraşaçaq iñ zur problemalardan berseneñ êşsezlek bulacağı belderelgän.

Ayıruça Afrikanıñ 10 yıl êçendä 110 million keşene êş belän täêmin itüe zarurlığı, uzğan 10 yılda barı tik 37 million keşeneñ êşkä kerüe citkerelgän.