“Yähüd millät däwläte” ölgese raslanğan

İzrail Parlamentı “Yähüd millät däwläte” bularaq belenüçe bäxäsle qanun ölgesen raslağan.

İzrail Parlamentı monnan alda da kön tärtibenä kilgän, läkin koalisiya partnerları arasında bäxäs säbäbe bularaq qabul itelmägän “Yähüd millät däwläte” qanun ölgesen berençe utırışta raslağan.

Parlamenttağı Urtaq ğaräp isemlegennän yasalğan yazulı açıqlawda ölgeneñ 41 tiskäre tawışqa qarşı 48 uñay tawış belän uzuı belderelgän.

Parlamentta 13 xalıq ışanıçlısı belän wäkillek itelüçe Urtaq ğaräp isemlege yasağan açıqlawında bu täraqqıyätneñ ildäge ğaräp watandaşlarına suğış açunı añlatuın beldergän.

Açıqlawda: “İzrail xökümäte xuplağan “Yähüd millät däwläte” ölgese ildäge ğaräp watandaşları torışlarına häm xoquqlarına qarşı suğış açunı añlata,” – dip äytelgän.

İzrail däwlätendä üz yazmışın bilgeläw xoquqın barı tik yähüdlärgä birüçe häm İzrailne bar dönya yähüdläre wäkile bulğan etnik-dini däwlät bularaq tanuçı ölgeneñ qanunlaşıp, ğamälgä kerä aluı öçen tağın ike utırışta raslanuı zarur.