Çadta balalar çista su citmäwdän integä

Afrika ile Çadta çista su citmäw säbäple balalar yaqtı dönyadan kitä.

Berläşkän Millätlär Oyışmasınıň balalarğa yärdäm itü fondı YUNİSEFnıň Çad wäkilçelege räsmi zatı Celestin Traore Çadta küp sanda balanıň pıçraq su qullanu säbäple awırıp kitep ülüen beldergän.

Traore:”İldä här 5 baladan berse êç kitüdän integä. Här yıl 50 meň bala su pıçraqlığına bäyle awırular belän çirli häm alardan 19 meňeneň ğomere özelä”,-digän.

Traore  xökümät räsmi zatlarınıň çista su ixtıyacın qanäğät’länderü öçen zur tırışlıq kürsätüen ,ämma xasta bala sanınıň kimemäwen beldergän.

Balalarnıň kübese tiyeşle däräcädä däwalana almağan öçen ülä.

Çad xalqı çista suğa ireşü öçen şaqtıy çaqrım yul ütä.

İldä iň küp xatın-qızlar häm balalar susızlıq belän köräşä.