Xälebta fosfor bombalı höcüm

Süriyäneñ tön’yağındağı Xälebneñ Darät İzzä rayonına fosfor bombası belän oyıştırılğan höcümdä tınıç xalıqtan 3 keşe yaralanğan.

Xälebneñ könbatışında urnaşqan Darät İzzädäge grajdan saqlanu räsmilärennän Suphi Arif: "Rusiyä oçqıçı buluın isäplägän xärbi oçqıç rayondağı toraq urınnarın fosfor bombası belän maqsat itep aldı”, - dip äytkän.

Höcümneñ oppoziśiya kontrolendäge töbäkkä tönlä oyıştırıluın belderüçe Arif bombalawda küp sanda toraq urında yanğın çığuın, yalqınnarnıñ saqlanu häm yanğın sünderü törkemnäre tarafınnan sünderelüen äytkän.

Şul uq waqıtta cirle çığanaqlar İdlibnıñ Cisr äş-Şuğur rayonınıñ da fosfor bombalı höcümgä duçar buluın beldergän bulsa, waqiğağa qağılışlı täfsille mäğlümat birelmägän.