"Tön’yaq Koreya qulında zarin gazı bula ala"

Yaponiya premyer-ministrı Şinzo Abe Tön’yaq Koreya qulında zarin gazı bula alacağın äytkän.

Şinzo Abe Parlamentta yasağan çığışında Tön’yaq Koreyanıñ yaña atom-töş häm ballistik raketa testları yasıy alacağın beldergändä: “Tön’yaq Koreya zarin gazı başçalı raketalar qullana ala,” – digän.

Abenıñ zarin gazı açıqlawları Yaponiyada kön tätibenä kilgän.

Yaponiya monnan alda zarin gazlı terror höcüme qorbanı bulğan ide.

1995nçe yılda Yaponiya qıyamät köne isemle sekta äğzaläre Tokio metrosına zarin gazlı höcüm oyıştırğan, höcümdä 12 keşeneñ ğomere özelgän, meñnärçä keşe dä ağulanğan ide.

9nçı sentyäbr könennän bügengä qadär 5 tapqır atom-töş testın yasağan Tön’yaq koreya 5nçe aprel’ könne dä ballistik raketa höcüme testın yasağaç Amerika Quşma Ştatları flotınnan köymälär yünäleşen Koreya yarımutrawına üzgärtkän ide.

“Royters” agentlığı Yaponiya flotına bäyle köymälärneñ dä Könçığış Qıtay diñgezendä AQŞ köçlärenä quşılaçağın däğwa itkän ide.