Paqıstan timer çıbıq ütkärä

Paqıstannıñ Ciröste köçläre komandirı, Armiya generalı Kamar Cavid Bajva äfğan çigennän oyıştırılğan suğışçı höcümnärenä kirtä quyar öçen iminlek yağınnan qurqınıç bulğan alannarğa çäneçkele timer çıbıqnıñ ütkäreläçägen açıqlağan.

Bajva üreläçäk timer çıbıqnıñ här ike ilneñ faydasına buluın beldergän, äfğan räsmi zatları älegä çik buyında mondıy närsäneñ küzätelmäwen, läkin älege proyekt çınğa aşırılğan oçraqta moña kirtä quyar öçen tırışlıq quyaçaqların citkergän.

İke il arasında Durand sızığı dip atalğan häm 19nçı ğasırda inglizlär tarafınnan ütkärelgän 2 meñ 400 çaqrımlıq çik bar.

Peştun xalqın ike ayırım däwlätkä bülep toruçı Durand sızığın Äfğanstan tanımıy.

İslamabad häm Qabul citäkçelekläre ozaq yıllar buyı ber-bersen üz cirlärendäge suğışçılarğa bitaraf qalu beläñ ğayepli.

Paqıstan ildä soñğı çorda artqan terror höcümnäreneñ Äfğanstandağı terror oyışmalarına bäyle buluı nigeznamäse belän uzğan yılnıñ urtasınnan birle ike çik buyı qapqasın yabıq kileş tota.

Paqıstan premyer-ministrı Navaz Şärif 20nçe martta çikneñ qabat açıluı boyırığın birgän ide.