Ukrainada Rusiyäneñ êlekke xalıq ışanıçlısın üterüneñ kiyerenkelege

Ukraina başqalası Kievta Rusiyäneñ êlekke xalıq ışanıçlısı Denis Voronenkovnı urnaşqan qunaqxanä yanında qorallı keşe ütergän.

Höcümdä Voronenkovnıñ tän saqçısı belän höcümçe arasında bäreleş kilep çıqqan, ikese dä yaralanğan.

Höcüm bolay da kiyerenke bulğan ike il arasındağı mönäsäbätlärgä qabattan zıyan kitergän.

Rusiyä matbuğatı waqiğanı “êş dönyasında xisaplaşı” räweşendä täqdim itkän bulsa, Ukraina räsmiläre höcümne Rusiyä belän bäylägän.

Ukraina İlbaşı Petro Poroşenko Rusiyäne däwlät terrorçılığın başqaruda gäyeplägän.

Ukraina prokuraturası da Rusiyäneñ, aqça belän qatil totıp, Voronenkonı üterüe raslawı östendä tora.

Êlekke xalıq ışanıçlısı Denis Voronenkov köz köne küçkän Ukrainada watandaşlıq alğan ide.