“Gruppa gaz” Törkiyägä yünälgän

Rusiyäneñ iñ zur säwdä transport çarası citeşterüçelärennän “Gruppa gaz”nıñ yuğarı däräcäle citäkçese Vadim Sorokin şirkät bularaq Törkiyädäge êşçänleklären däwam itterä başlawların beldergän.

Mäskäwdä oyıştırılğan ber avtomobil’ yärminkäsendä çığış yasağan Sorokin: “Törkiyägä Rusiyädän personal da cibärä başladıq. Qısqa waqıtta andağı citeşterü êşçänleklärebezne zuraytırğa telibez,” – digän.

Sorokin Törkiyädä bıyıl yaqınça 500 transport çarasın satunı kötülären belderep, “Gazêl’” maşinalarınıñ isä Törkiyädäge montajında bernindi çikläwneñ bulmayacağın äytkän.

“Gruppa Gaz” belän törek şirkäte “Mersa avtomobil’” 2012nçe yılda Gaz markasınıñ ciñel säwdä maşinalarınıñ Törkiyädä montajı häm satışı öçen xezmättäşlek başlatqan ide.